हेटौंडाः हेटौंडा उपमहानगरपालिका वडा नम्बर ९ मा सवारी दुर्घटना हुँदा एक जना गम्भिर घाईते भएका छन् । सोमबार राती ८ बजेर ४५ मिनेटको समयमा रातोमाटेबाट हेटौंडातर्फ आउँदै गरेको ना.१ क ७३७७ नम्बरको डिब्बा ट्रकमा मधेश प्रदेश ०३–०२७ प ६२७० नम्बरको स्कुटर पछाडि ठोकिँदा स्कुटर चालक घाइते भएका हुन् ।
दुर्घटनामा हेटौंडा ९ का अन्दाजी ३५ वर्षीय गोकर्ण गिरी गम्भिर घाईते भई हेटौंडा अस्पतालमा सामान्य उपचार पश्चात् थप उपचारको लागि भरतपुर पठाईएको छ । स्कुटर चालकले माधक पदार्थ सेवन गरेर सवारी चलाएको प्रहरीले उल्लेख गरेको छ । दुर्घटना भएपछि स्थानिय आक्रोसित भई ट्रकमा ढुङ्गा हानेका थिए ।
ढुंगा प्रहारबाट ईलाका प्रहरी कार्यालय पशुपतिनगरमा कार्यरत प्रहरी निरीक्षक सुमन बानियाँको बायाँ आँखामाथि चोट लागेको थियो भने ट्रकको अगाडीको सिसा फुटेको छ । दुर्घटना भएका दुबै सवारी साधन र ट्रक चालक प्रहरीको नियन्त्रणमा रहेको जिल्ला प्रहरी कार्यालय मकवानपुरले जनाएको छ ।
