हेटौंडाः हेटौंडा १८ फुर्केचौरमा रहेको गोरक्षनाथ माविको ४ कोठे भवनको आज मंगलबार शिलान्यास गरिएको छ । विद्यालय भवनको हेटौंडा उपमहानगरपालिकाकी नगरप्रमुख मिना कुमारी लामाले शिलान्यास गर्नुभएको हो ।
विद्यालयको भवन निर्माणको लागि संघीय सरकारबाट ३६ लाख रुपैयाँ, हेटौंडा उपमहानगरपालिकाको २० लाख रुपैयाँ र विद्यालयको ७ लाख रुपैयाँ गरी ६३ लाख रुपैयाँ बराबरको रकम रहेको प्रधानाध्यापक होम बहादुर नेपालीले जानकारी दिनुभयो । कार्यक्रम विद्यालय व्यवस्थापन समितिका अध्यक्ष सैलेन्द्र राज बानियाँको सभाध्यक्षता तथा नगरप्रमुख मिना कुमारी लामाको प्रमुख आतिथ्यतामा भएको हो ।
कार्यक्रममा हेटौंडा उपमहानगरपालिकाका प्रवक्ता तथा हेटौंडा वडा नम्बर १ का अध्यक्ष सविन न्यौपाने, विद्यालयका शिक्षक, अभिभावकहरुको उपस्थिति रहेको थियो ।
