हेटौंडाः मकवानपुरको मनहरी गाउँपालिका–९ रजैया स्थित पूर्व पश्चिम सडक खण्डमा मोटरसाइकल अनियन्त्रित हुँदा दुर्घटना भएको छ । बिहीबार बिहान ६ बजेर ४५ मिनेटको समयमा मनहरीतर्फबाट हेटौंडातर्फ आउँदै गरेको बा ६५ प ८७२५ नम्बरको मोटरसाइकल अनियन्त्रित हुँदा चालक सुभाष स्याङ्तान घाईते भएका हुन् ।
दुर्घटनामा मनहरी–२ बस्ने १८ वर्षीय सुभाष स्याङ्तान घाईते भई उपचारको लागी चुरेहिल अस्पताल हेटौंडा ल्याईएको प्रहरीले जनाएको छ । सुभाषको टाउकोमा चोट लागेको र स्वास्थ्य अवस्था मध्यम रहेको प्रहरीले उल्लेख गरेको छ ।
