हेटौंडाः जिल्ला बचत तथा ऋण सहकारी संघ लिमिटेड मकवानपुरकी अध्यक्ष कल्पना श्रेष्ठ बागमती प्रदेश बचत तथा ऋण सहकारी संघको महिला उपाध्यक्षमा चयन हुनुभएको छ । शनिबार काठमाडौंमा भएको संघको दोस्रो वार्षिक साधारणसभाबाट श्रेष्ठ उपाध्यक्षमा सर्वसम्मत चयन हुनुभएको हो ।
कोषाध्यक्षमा केशव दंगाल, सदस्यहरुमा कृष्णप्रसाद सुवेदी र तारानाथ सापकोटा चयन हुनुभएको हो । संघको लेखा समिति संयोजकमा देवप्रसाद त्रिपाटी चयन हुनु भएको छ । वार्षिक साधारणसभाबाट संघमा रिक्त रहेको पदहरुमा नियुक्त गरिएको हो । संघको वार्षिक साधारणसभा बागमती प्रदेशका अध्यक्ष उद्धव सापकोटाको सभाध्यक्षता तथा राष्ट्रिय सहकारी महासंघ लिमिटेडका अध्यक्ष मिनराज कँडेलको प्रमुख आतिथ्यमा सम्पन्न भएको हो।
यस्तै, संघले वार्षिक साधारणसभाको अवसरमा उत्कृष्ट लगानीकर्तातर्फ दोलखा जिल्लाको एकीकृत फ्रेण्डसिप बचत तथा ऋण सहकारी लिमिटेडलाई सम्मान गरेकोे छ ।
