हेटौंडाः कतारमा जारी फिफा विश्वकप फुटबल २०२२ अन्तर्गत आज शुक्रबार चार खेलहरु हुँदैछन् । कतार विश्वकपमा शुक्रबार समूह चरण अन्तर्गत समूह ’ए’ र समूह ’बी’ का दुई दुई खेलहरु हुनेछन् ।
पहिलो खेलमा समूह ’बी’ मा रहेको वेल्स र इरानबीच प्रतिस्पर्धा हुनेछ । वेल्स र इरानबीचको खेल नेपाली समय अनुसार दिउँसो ३ बजेर ४५ मिनेटमा सुरु हुनेछ । वेल्स र इरान पहिलो जितको खोजीमा हुनेछन् । दोस्रो खेलमा समूह ’ए’ को कतार र सेनेगलबीच प्रतिस्पर्धा हुनेछ । कतार र सेनेगलबीचको खेल साँझ ६ बजेर ४५ मिनेटमा सुरु हुनेछ ।
विश्वकप अन्तर्गत नै शुक्रबार हुने तेस्रो खेलमा नेदरल्यान्ड्स र इक्वेडरबीच प्रतिस्पर्धा हुनेछ । समूह ’ए’ मा रहेको नेदरल्यान्ड्स र इक्वेडरबीचको खेल राति ९ बजेर ४५ मिनेटमा सुरु हुनेछ । त्यस्तै चौंथो खेलमा इंग्ल्यान्डले अमेरिकाको सामना गर्नेछ । समूह ’बी’ मा रहेको इंग्ल्यान्ड र अमेरिकाबीचको खेल राति १२ बजेर ४५ मिनेटमा सुरु हुनेछ ।
