हेटौंडाः बुधबार राति साढे ९ बजेको समयमा भीमफेदी गाउँपालिका वडा नम्बर ९ महाभिरमा सवारी दुर्घटना हुँदा २ जना घाइते भएका छन् । त्रिभुवन राजपथ सडक खण्डमा नौबिसे तर्फबाट हेटौंडातर्फ आउँदै गरेको बा.प्र.०३००१ ख २४७२ नम्बरको खाली ट्रक दुर्घटना भएको हो ।
दुर्घटना भएको खबर प्राप्त हुनासाथ प्रहरी सहायक निरीक्षक नबिन कुमार सिहंको प्रहरी टोली खटिएको थियो । ट्रक सडकबाट अन्दाजी १०/१२ मिटर तल खसेर रुखमा अड्किएको थियो । दुर्घटनामा सहचालक जितपुर सिमरा उपमहानगरपालिका–१ पइर्बि टोल बस्ने ३६ वर्षीय सरोज कँडेलको दुबै हातको औला र खुट्टामा चोट लागेको थियो ।
यस्तै, सोही स्थान बस्ने २८ वर्षीय चालक अमन चापागाईको दाहिने हातमा चोट लागेको छ । दुबै जनालाई उपचारको लागि हेटौंडा अस्पताल ल्याईएकोमा स्वास्थ्य अवस्था सामान्य रहेको प्रहरीले जनाएको छ ।
