हेटौंडाः मकवानपुर प्रहरीले १५ किलो लागुऔषध गाँजासहित २ जनालाई पक्राउ गरेको छ । पक्राउ पर्नेमा महोत्तरी जिल्ला एकटाँगा गाउँपालिका–४ बस्ने २१ वर्षीय नितेष कुमार यादव र २२ वर्षीय कमल साह रहेको जिल्ला प्रहरी कार्यालय मकवनपुरका प्रहरी नायब निरीक्षक टेक बहादुर कार्कीले जानकारी दिनुभएको छ ।
शनिबार दिउँसो २ बजेको समयमा मनहरी गाउँपालिका–९ भलाद्मी चोकबाट गाँजासहित यादव र साहलाई प्रहरीले पक्राउ गरेको हो । प्रहरीले विशेष सूचनाको आधारमा ईलाका प्रहरी कार्यालय मनहरीबाट खटिएको टोलिले ज्यामिरेबाट भलाद्मी चोकतर्फ पैदल हिँडिरहेको अवस्थामा रोकी सुरक्षाजाँच गर्दा उनिहरुको झोलामा लुकाई छिपाई ल्याएको १५ किलोग्राम गाँजा फेला पारेको थियो । गाँजासहित दुबै जनालाई नियन्त्रणमा लिई थप अनुसन्धान तथा कारबाहिको लागी जिल्ला प्रहरी कार्यालय मकवानपुर ल्याईएको छ ।
