हेटौंडाः विज्ञान शिक्षक समाज नेपाल मकवानपुरको भीमफेदी गाउँपालिका स्तरीय भेला सम्पन्न भएको छ । शुक्रबार महेन्द्र मावि भैंसेको भवनमा गरिएको भेलाले राजेश कुमार गुप्ताको अध्यक्षतामा सर्वसम्मत रुपमा कार्यसमिति चयन गरेको छ ।
समितिको उपाध्यक्षमा मान बहादुर घलान, सचिव सविन दहाल, सहसचिव राजु थापा, कोषाध्यक्ष संजय गुप्ता, सहकोषाध्यक्ष अस्मिता अधिकारी, सदस्यमा रोशन कुमार शाह रहेका छन् । भेला आयोजक समितिका संयोजक राजेश कुमार गुप्ताको सभाध्यक्षता र विज्ञान शिक्षक समाजका अध्यक्ष खेमराज लामिछानेको प्रमुख आतिथ्यतामा भएको हो ।
विज्ञान शिक्षक मान बहादुर घलानले स्वागत मन्तव्य व्यक्त गर्नुभएको कार्यक्रममा प्रमुख अतिथि खेमराज लामिछाने र अग्रज शिक्षक सुरेश गुप्ताले शुभकामना मन्तव्य राख्नुभएको थियो ।
