हेटौंडाः एसईई ग्रेडवृद्धि परीक्षा सकिएको छ । शनिबार र आइतबार दुईदिन ग्रेडवृद्धि परीक्षा भएको थियो । आइतबार २ हजार ३ सय २२ जना विद्यार्थीले परीक्षा दिएका थिए भने १ सय ५० जना विद्यार्थी अनुपस्थित रहेको शिक्षा विकास तथा समन्वय इकाई मकवानपुरले जानकारी दिएको छ ।
इकाई प्रमुख दिनानाथ गौतमका अनुसार दोस्रो दिन आइतबार १ हजार ७ सय १२ जनाले परीक्षा दिँदा ९४ जना अनुपस्थित भएका छन् । २ विषयमा ग्रेडवृद्धि परीक्षा दिन पाउने व्यवस्थाअनुसार एकजना विद्यार्थीले बढीमा दुई वटा विषय र केही विद्यार्थीले एउटा मात्रै विषयमा ग्रेडवृद्धि परीक्षा दिएका छन् । ग्रेडवृद्धि परीक्षाका लागि मकवानपुरमा २ हजार ९ सय १९ जना विद्यार्थीले परीक्षा फारम भरेका थिए । ग्रेडवृद्धि परीक्षाका लागि ७ वटा परीक्षा केन्द्र निर्धारण गरिएको थियो ।
