हेटौंडाः मकवानपुरको मकवानपुरगढी गाउँपालिका–७, सुकौरास्थित जनता माविमा कार्यरत शिक्षक तथा कर्मचारीले जनही एक हजार रुपैयाँका दरले रकम संकलन गरी विद्यालय रहेको वडाका विपन्न परिवारलाई राहत वितरण गर्ने भएका छन् । विद्यालयका प्रधानाध्यापक होम नेपालीको आग्रहमा सबै शिक्षक र कर्मचारीले विपन्नलाई सहयोग गर्न सहमत भएका हुन् । खाद्यान्न सामग्री ७ नम्बर वडा कार्यालय मार्फत वितरण गरिने प्रधानाध्यापक नेपालीले बताउनुभयो ।
