हेटौंडाः मकवानपुरको बागमती गाउँपालिका–४, पाँचपाण्डवमा बुधबार बिहान चट्याङ लागेर एकजनाको मृत्यु भएको छ । बागमती–१ करौंजेबाट बागमती–४, झुरझुरेतर्फ मोटरसाइकलमा जाँदै गरेका २२ वर्षीय पारस राईको चट्याङ लागेर मृत्यु भएको इलाका प्रहरी कार्यालय फापरबारीले जानकारी दिएको छ ।
बा ६० प ९४९१ नम्बरको मोटरसाइकलका चालक गुल्सन राई भने सामान्य घाइते भएको प्रहरीले जानकारी दिएको छ । मोटरसाइकलमा यात्रा गरिरहेकै बेला चट्याङ लागेको प्रत्यक्षदर्शीले बताएका छन् ।
