हेटौंडाः हेटौंडा ५ पिप्ले स्थित जेनिथ इन्टरनेशनल स्कुल तथा हेटौंडा सिटी कलेजले तुल्सी मेयर मेमोरियल तथा नारायणी कलेजका संस्थापक रघु खराललाई आफ्नो विद्यालयको प्रबन्ध निर्देशक रुपमा स्वागत गरेको छ ।
विद्यालयले आज रिगल हेटौंडा रिर्साटमा एक कार्यक्रमका बीच खराललाई स्वागत गरेको हो । कार्यक्रममा विद्यालयका प्रधानाध्यपक श्रीबहादुर कार्कीले खराललाई विद्यालयमा स्वागत गर्दै खराल अनुभवी, सिप र दक्षता भएको व्यक्ति भएकाले अगामी दिनमा उहाँसँग सहकार्य गरी अगााडी बढ्ने बताउनुभएको छ । त्यस्तै खरालले आफु यहाँसम्म शिक्षक र अभिभावकको सहयोगले आईपुगेको बताउनुभएको छ । उहाँले आफ्ना अनुभव र विचारलाई प्रयोग गरी विद्यालयलाई मकवानपुर जिल्लामा मात्र नभएर नेपालको एक सफल विद्यालय बनाउन प्रयास गर्ने बताउनुभएको छ । उहाँले विद्यालयको प्रबन्ध निर्देशक रुपमा नभएर संरक्षकको रुपमा काम गरि अघि बढ्ने बताउनुभएको छ ।
कार्यक्रममा वडा नं ५ का वडाध्यक्ष सुशिल घिमिरेको प्रमुख आतिथ्यता रहेको थियो । कार्यक्रममा मकवानपुर बहुमुखी क्याम्पसका प्रशासकीय प्रमुख सत्य नारायण सिलवाल, प्राध्यापक डा. ललितकुमार दास, दिपेन्द्र ठकुरी तथा विद्यालयका शिक्षकको उपस्थिति रहेको थियो ।
