हेटौंडाः मकवानपुरको मनहरी गाउँपालिका वडा नम्बर ६ स्थित प्रहरी चौकी सुनाचुरी कार्यालय भवनको उद्घाटन गरिएको छ । बिहिबार मनहरी गाउँपालिकाका अध्यक्ष रञ्जन कालाखेतीले भवनको उद्घाटन गर्नुभएको हो ।
गाउँपालिकाको करिब ११ लाख रुपैयाँ बजेटमा पाँच कोठे भवन निर्माण भएको र बिहिबार भवनको उद्घाटन भएको इलाका प्रहरी कार्यालय मकवानपुर प्रहरी निरीक्षक प्रकाश थापाले जानकारी दिनुभयो । गाउँपालिका अध्यक्ष कालाखेतिले जिल्ला प्रहरी कार्यालय मकवानपुरका प्रमुख प्रहरी उपरीक्षक सुरेन्द्र बहादुर गुरुङलाई भवन हस्तान्तरण गर्नुभएको छ ।
