हेटौंडाः हेटौंडामा जारी स्थानीय तह शहीद स्मृति मकवानपुर गोल्डकपको चौथो संस्करण अन्तर्गत् आज बुधबार हुने भनिएको मकवानपुरको एफसी विजय युथ र बारा जिल्लाको नव जनजागृति युवा क्लबबीच खेल वर्षाका कारण प्रभावित बनेको छ । दिउँसो ४ बजे सुरु हुनुपर्ने खेल वर्षाका कारण खेलमैदान जलमग्न भएपछि स्थगित गरिएको छ ।
स्थगित भएको खेल भोलि बिहीबार बिहान साढे ८ बजे खेलाइने मकवानपुर जिल्ला फुटबल संघले जनाएको छ । एक प्रेस विज्ञप्ति जारी गर्दै संघले वर्षाका कारण खेल खेलाउन नसकिने भएकोले भोलि बिहान खेलाउने जनाएको छ । यसअघि गत शनिबार पनि वर्षाकै कारण एपीएफ क्लब र फ्रेण्ड्स क्लबबीचको खेल प्रभावित भएको थियो ।
