हेटौंडाः ५०औं विश्व वातावरण दिवसका अवसरमा हेटौंडामा सप्ताहव्यापी कार्यक्रम आज सोमबारबाट सुरु भएको छ । सप्ताहव्यापी कार्यक्रम अन्तर्गत् आज रक्तदान कार्यक्रमको आयोजना गरिएको छ । रक्तदान कार्यक्रममा १८ जनाले रक्तदान गरेका छन् ।
“सबैको साझा पृथ्वी” भन्ने मूल नाराका साथ यस बर्षको वातावरण दिवस मनाउन लागिएको टोल विकास संस्था नगर समन्वय समितिका अध्यक्ष एवम् विश्व वातावरण दिवस मूल आयोजक समारोह समितिका संयोजक ध्रुव प्रसाद अधिकारीले जानकारी दिनुभयो । भोलि मंगलबार खानेपानी व्यवस्थापन बोर्डको संयोजनमा खानेपानी सरसफाई स्वच्छता सम्बन्धी अन्तरक्रिया कार्यक्रम गरिनेछ ।
