हेटौंडाः मकवानपुरको बागमती गाउँपालिकाका नवनिर्वाचित जनप्रतिनिधिहरुले सपथ ग्रहण गरेका छन् । मंगलबार पालिकाको कार्यालय परिसरमा एक कार्यक्रमका बीच नवनिर्वाचित जनप्रतिनिधिहरुले सपथ ग्रहण गरेका हुन् । यसअघि मकवानपुर जिल्लाका ९ वटै पालिकाका निर्वाचित जनप्रतिनिधिले सपथग्रहण गरेर जिम्मेवारी सम्हालिसकेका छन् ।
बागमती गाउँपालिकाका नवनिर्वाचित अध्यक्ष सर्केश घलानलाई मकवानपुर जिल्लाका मुख्य निर्वाचन अधिकृत डिल्लीरत्न श्रेष्ठले सपथ ग्रहण गराउनुभयो । घलान दास्रो कार्यकालका लागि अध्यक्षमा निर्वाचित हुनुभएको हो । अध्यक्ष घलानले सपथ ग्रहणपछि पदभार ग्रहण पनि गर्नुभएको छ ।
अध्यक्ष घलानले सपथ लिएपछि पालिकाका नवनिर्वाचित उपाध्यक्ष फणिन्द्र तिमल्सिनालाई सपथ ग्रहण गराउनुभयो । घलानले पालिकाका नवनिर्वाचित वडाध्यक्षहरुलाई सपथ ग्रहण गराउनुभयो । बामगती गाउँपालिका वडा नम्बर १ का वडाध्यक्ष यहुन्ना राई, २ का वडाध्यक्ष जनक पहरी, ३ का वडाध्यक्ष कमानसिं पाख्रिन, ४ का वडाध्यक्ष दन्तलाल माझी, ५ का वडाध्यक्ष विजय भोलन, ६ का वडाध्यक्ष टेक बहादुर, डिमडुङ, ७ का वडाध्यक्ष उत्तर लामा भोलन, ८ का वडाध्यक्ष इन्द्रमणि तिमल्सिना, ९ का वडाध्यक्ष पुनराम घलानले पालिका अध्यक्ष घलानबाट सपथ लिनुभयो । नवनिर्वाचित वडा सदस्यहरुलाई पनि अध्यक्ष घलानले सपथ ग्रहण गराउनुुभयो ।
