हेटौंडाः राक्सिराङ गाउँपालिकाका नवनिर्वाचित जनप्रतिनिधिहरुले सपथ ग्रहण गरेका छन् । सपथ ग्रहण गाउँपालिकाको अध्यक्ष राजकुमार मल्लले गराउनु भएको गाउँपालिका प्रसाशकीय अधिकृत देव चन्द्र गड्तौलाले बताउनु भयो ।
सपथ ग्रहणसँगै पुराना प्रतिनिधिहरुलाई विदाई पनि गरिएको छ । कार्यक्रममा गाउँपालिकाका अघिल्लो जनप्रतिनिधि, नवनिर्वाचित प्रतिनिधि र राजनैतिक दलका कार्यकर्ताहरुको सहभागिता रहेको थियो । पदभार ग्रहण गरेका प्रतिनिधिहरुले भोलिबाट आफ्नो कार्य सम्हाल्ने गड्तौलाले जनकारी दिनुभयो ।
पालिकाका ४४ जना नवनिर्वाचित प्रतिनिधिलाई सपथ ग्रहण गराउँदै पालिका अध्यक्ष मल्लले सम्पुर्ण पार्टीका दलहरु सँग सहकार्य गरि गाउँपालिकाको विकास गर्दै जाने प्रतिबद्धता व्यक्त गर्नुभयो । जुनसुकै दलबाट निर्वाचित भएर आएता पनि निस्वार्थ भावले जनताको कार्य गर्दै जाने मल्लको भनाई रहेको छ । पालिकामा राजनैतिक विभेद नगरि जनताको कार्यलाई प्रथमिकतामा राखि काम गर्ने मल्लले बताउनुभयो । अघिला वर्षका अपुरा विकासका योजनाहरुलाई आफुले पुरा गर्दै जाने र पालिकामा विकास निर्माणलाई अगाडि बढाउने बताउनुभयो ।
