हेटौंडाः हेटौंडा वडा नम्बर ११ मा हेटौंडा उपमहानगरपालिका कै पहिलो महिला वडा अध्यक्ष निर्वाचित भएको छ । हेटौंडा ११ मा नेकपा एमालेको उम्मेदवार जुना दाहाल वडा अध्यक्षमा विजयी हुनु भएको हो । दाहाल १ हजार ५ सय १४ मतसहित वडा अध्यक्षमा विजयी हुनु भएको छ ।
अर्का अध्यक्षका प्रत्यासी नेकपा माओवादी केन्द्रका मधु कुमार थापा मगरले १ हजार ७९, स्वतन्त्रका अक्कल बहादुर रोक्काले ६ सय ९३ र राप्रपाका राधाकृष्ण बजगाईले १ सय ७९ मत प्राप्त गरेका छन् । वडा सदस्यमा नेपाली कांग्रेसका संजय विडारी(१५२७) र विकास नेपाल(१४९०) विजयी भएका छन् । यस्तै, महिला सदस्यमा नेकपा एमालेकी गोपिनी सापकोटा(१५०३) र दलित महिला सदस्यमा गीता सुनार(१४६४) विजयी भएका हुन् ।
