हेटौंडाः लामो समयदेखि राष्ट्रिय प्रजातन्त्र पार्टी (राप्रपा) मा राजनीति गर्नुभएका मधु अधिकारी र उहाँका छोरा विशभ अधिकारी नेकपा एकीकृत समाजवादीमा प्रवेश गर्नुभएको छ । शुक्रबार मात्रै राप्रपा छाडेको घोषणा गर्नुभएका अधिकारी बाउ–छोरा आइतबार एकीकृत समाजवादीमा प्रवेश गर्नुभएको हो ।
नेकपा एकीकृत समाजवादी पार्टीका अध्यक्ष माधव कुमार नेपालसँग भेटेर अधिकारी बाउ–छोरा पार्टी प्रवेश गर्नुभएको हो । आसन्न स्थानीय तहको निर्वाचनमा हेटौंडा उपमहानगरपालिकाको मेयर पदका आकांक्षी देखिएका बाउ–छोरा नै उम्मेदवार हुन नपाउने भएपछि रुष्ठ थिए । मधु अधिकारीले शनिबार हेटौंडामा आयोजित गठबन्धन दलको चुनावी सभालाई सम्बोधन समेत गर्नुभएको थियो ।
