हेटौंडाः नेपाल रेडक्रस सोसाईटी मकवानपुरले विश्व रेडक्रस दिवस मनाएको छ । रेडक्रसका संस्थापक जा हेनरी ड्युनाको जन्मदिनमा उनले गरेका योगदानको कदर गर्दै ८ मे अर्थात आईतबार नेपाल रेडक्रस सोसाईटी मकवानपुरले विश्व रेडक्रस दिवस मनाएको हो ।
रेडक्रस संस्थापक ड्युनाले गरेका कामको सम्झनामा आईतबार बिहान ड्युनाको तस्विरमा माल्यार्पण गरी हेटौंडा–१, चाइनाक्वार्टरस्थित नेपाल रेडक्रस सोसाइटी मकवानपुरको कार्यालय परिसरमा विश्व रेडक्रस दिवस मनाइएको हो । कार्यक्रममा नेपाल रेडक्रस सोसाईटी मकवानपुरका निवर्तमान अध्यक्ष सूर्यचन्द्र न्यौपानेसहित रेडक्रसकर्मीको सहभागिता रहेको नेपाल रेडक्रस सोसाइटी मकवानपुरका मन्त्री पिताम्बर वास्तोलाले जानकारी दिनुभयो ।
