हेटौंडाः हेटौंडा उपमहानगरपालिको शिक्षा विकास महाशाखाको आयोजनामा जारी नगरस्तरीय शिक्षक भलिबल प्रतियोगितामा आज सेमिफाइनलका खेलहरु हुँँदैछ । हेटौंडा–४ स्थित हुप्रचौरमा हुने प्रतियोगिताको सेमिफाइनलका खेल दिउँसो हुनेछ ।
आज हुने पहिलो सेमिफाइनल खेलमा जिएस निकेतन र सिर्दाथ शिशु सदन भिड्दैँछन् । यस्तै गोरक्षनाथ मावि र सोडिलारिटी बोेर्डिङ भिड्दैँछन् । आज शनिबार क्वाटरफाइनलका खेलहरु सम्पन्न भएसँगै सेमिफाइनलको समिकरण पुरा भएको हो । आज बिहान भएको क्वाटरफाइनल खेलमा सोडिलारिटी बोर्डिङले माउन्ट एभरेष्टलाई २–० सेटले पराजित गर्दै सेमिफाइनलमा प्रवेश गरेको छ । यस्तै जिएस निकेतनले पनि बालबोध माविलाई २–० सेटले पराजित गर्दै सेमिफाइनलमा स्थान बनाएकोे छ । यस्तै आज बिहान भएको खेलमा सिर्दाथ शिशु सदनले पनि नवोदय बोर्डिङलाई २–० सेटले पराजित गरेको छ । यस अघि गोरक्षनाथ मावि भने सेमिफाइनल प्रवेश गरिसकेको थियो । प्रतियोगिताको फाइनल खेल भोलि आइतबार हुनेछ ।
प्रतियोगितामा प्रथम हुनेले समुहले २७ हजार, दोस्रो हुनेले १८ हजार रुपैयाँसहित ट्रफी, प्रमाणपत्र र मेडल प्राप्त गर्ने छन् । यस्तै, सेमिफइनलमा प्रवेश गर्ने दुई समुहले ६ हजार ७ सय ५० रुपैयाँको दरले प्राप्त गर्ने छन् । प्रतियोगिता उत्कृष्ट हुने खेलाडीहरुलाई ३ हजार र उत्कृष्ट स्पाइकर र सेटरले दुई दुई हजार रुपैयाँ प्राप्त गर्ने छन् ।
