हेटौंडाः प्रथम बागमती प्रदेश खेलकुद अन्तर्गत महिला फुटबल प्रतियोगितामा मकवानपुरले विजयी सुरुवात गरेको छ । काभ्रेको धुलिखेलमा बुधबार भएको पहिलो खेलमा रामेछापलाई ५–० को फराकिलो गोलअन्तरले हराउँदै मकवानपुरले विजयी सुरुवात गरेको हो ।
मकवानपुरको जितमा पुजा लामा र सञ्जिता बोम्जनले २–२ गोल तथा लक्ष्मी गोलेले एक गोल गरे । जितसँगै मकवानपुर क्वार्टरफाइनल प्रवेश गरेको छ । मकवानपुरले दोस्रो खेलमा सेमीफाइनल प्रवेशका लागि शुक्रबार सिन्धुलीसँग खेल्ने मकवानपुर महिला फुटबल टिमका प्रशिक्षक भीम लामाले जानकारी दिनुभयो ।
