हेटौंडाः विश्व कविता दिवसको अवसरमा सोमबार कविता वाचन कार्यक्रम भएको छ । साहित्य संगम मकवानपुरको सभाहलमा कार्यक्रम भएको हो ।
सर्जक सञ्जाल मकवानपुरका संयोजक निमेष निखिलको सभाध्यक्षता र साहित्यकार आरसी रिजालको प्रमुख आतिथ्यमा कार्यक्रम भएको हो । सर्जक सञ्जाल मकवानपुरको आयोजनामा भएको कार्यक्रममा २५ जनाले आफ्ना कविता वाचन गरेका थिए ।
सन् १९९९ मा संयुक्त राष्ट्र संघको शैक्षिक तथा सांस्कृतिक संगठन (युनेस्को)ले मार्च २१ तारिखलाई विश्व कविता दिवसका रुपमा मनाउने घोषणा गरेपछि दिवस मनाउन थालिएको हो । कविताले मानिसको वाक स्वतन्त्रतालाई बल पुर्याउने भएकाले समृद्ध समाज निर्माणका लागि कवितालाई महत्वपूर्ण मानिन्छ ।
