हेटौंडाः प्रथम बागमती प्रदेश खेलकुद प्रतियोगिता अन्तर्गत आज भएको फुटबल प्रतियोगितामा सिन्धुली क्वाटर फाइनलमा प्रवेश गरेको छ । हेटौंडा–५ स्थित पिप्ले क्याम्पा रंगशालामा भएको पहिलो खेलमा काठमाडौंलाई ६–० फराकिलो गोल अन्तरले हराउँदै सिन्धुली क्वाटर फाइनल प्रवेश गरेको हो ।
सिन्धुलीको जितमा विकास खड्का, अनिस थापाले एक–एक गोल गरे । यस्तै कमल गुरुङ र अनुरोध दहालले दुई–दुई गोल गरे । अनिस थापाले पेनाल्टीमा गोल गरे । सिन्धुलीले २ गोल पहिलो हाफमा गरेको थियो भने दोस्रो हाफमा लगातार ३ गोल गरेको हो । हारसँगै काठमाडौँ प्रतियोगिताबाट बाहिरिएको छ । अब सिन्धुलीले भोलि बुधबार मकवानपुरसङ्ग खेल्नेछ ।
यस्तै आजको दोस्रो खेलमा भक्तपुर र रसुवा भिड्दैछन् । आज दुबै टोलि पहिलो जित निकाल्ने योजनासहित मैदान उत्रेका छन् ।
