हेटौंडाः मकवानपुरको मनहरी–७ मा ट्रकले मोटरसाइकललाई ठक्कर दिँदा मोटरसाईकल चालकको मृत्यु भएको छ । ट्रकको ठक्करबाट ना २३ प ७०६२ नम्बरका मोटरसाइकल चालक पर्सा जिल्लाको बागेश्वरी–८ का ४२ वर्षीय ओमप्रसाद गिरी रहेको इलाका प्रहरी कार्यालय मनहरीका प्रहरी निरीक्षक प्रकाश थापाले जानकारी दिनुभयो ।
आइतबार राति १० बजेर २० मिनेटको समयमा चितवनबाट बीरगन्जतर्फ जाँदै गरेको मोटरसाईकललाई बागमती प्रदेश ०१–००६ ख ३६४० नम्बरको ट्रकले ठक्कर दिँदा मोटरसाइकल चालक गिरी गम्भीर घाइते भएका थिए । घाइते गिरीलाई हेटौंडा अस्पतालमा उपचारको क्रममा गएराति नै डाक्टरले मृत घोषणा गरेको थियो । प्रहरीले ट्रकसहित चालकलाई नियन्त्रणमा लिई थप अनुसन्धान गरिरहेको प्रहरी निरीक्षक थापाले जानकारी दिनुभयो ।
