हेटौंडाः भीमफेदी गाउँपालिकालाई पराजित गर्दै थाहा नगरपालिका हुप्रचौरमा जारी अन्तरपालिका जिल्लास्तरीय पुरुष फुटबल प्रतियोगिताको फाइनलमा प्रवेश गरेको छ । जिल्ला समन्वय समिति मकवानपुरको आयोजनामा जारी प्रतियोगिता अन्तर्गत बुधबार भएको सेमिफाइनल खेलमा थाहाले भीमफेदीलाई २–१ गोलअन्तरले पराजित गरेको हो ।
थाहालाई जीत दिलाउन खेलको ३५ औँ मिनेटमा रोशन बलले सुरुवाती गोल गरेको थिए । यस्तै दोस्रो हाफको पहिलो मिनेटमै सन्देश बलले गोल गर्दै थाहालाई २–० गोलको अग्रता दिलाएका थिए । भीमफेदीका सबिन गोलेले खेलको दोस्रो हाफमा गोल गरे पनि टिमलाई हारबाट जोगाउन भने सकेनन् । म्यान अफ द म्याच थाहाका गोलरक्षक निशान थापा घोषित भए ।
थाहाले शनिबार फाइनलमा हेटौंडा उपमहानगरपालिका र बागमती गाउँपालिका बीचको विजेतासँग प्रतिस्पर्धा गर्नेछ । दोस्रो सेमिफाइनलेको खेल भोलि बिहिबार हुनेछ ।
