हेटौंडाः रेडक्रस मकवानपुरको सभापतिमा लालबहादुर थापा नियुक्त हुनुभएको छ । शुक्रबार केन्द्रको निर्णय अनुसार रेडक्रम मकवापनुरको तदर्थ कमिटीको सभापतिमा थापा चयन हुनुभएको हो ।
यसअघि रेडक्रस मकवानपुरको सभापतिमा सूर्यचन्द्र न्यौपाने रहनुभएको थियो । न्यौपाने सभापति भएको कार्यसमिति नै खारेजी गर्दै केन्द्रले पत्र पठाएसँगै शुक्रबार नयाँ तदर्थ समिति चयन भएको हो ।
रेडक्रम मकवानपुरको पहिलेको सभापति न्यौपाने बाहेक अन्य पदाधिकारीमा पुरानै समितिका रहेका छन् । उनीहरुको जिम्मेवारी मात्रै हेरफेर भएको हो । रेडक्रस मकवापनुरको उपसभापतिमा सुमित्रा काफ्ले, खेमराज सापकोटा, मन्त्रीमा पिताम्बर बास्तोला, कोषाध्यक्षमा यशोधा श्रेष्ठ, उपमन्त्रीमा सानु थापा लगायत १४ सदस्यीय तदर्थ समिति निर्माण भएको मन्त्री पिताम्बर बास्तोलाले जानकारी दिनुभयो ।
