हेटौैंडाः हेटौंडा–८ स्थित एक किराना पसलमा आगलागी हुँदा १० लाख बराबरको सामग्री नष्ट भएको छ । सोमबार बिहान सवा ८ बजेको समयमा हेटौंडा–८ कमानेस्थितमा रामकृष्ण लामिछानेले सञ्चालन गर्नुभएको आरके किराना पसलमा आगलागी भएको हो ।
पसलमा पुजा गर्ने क्रममा आगलागी भएको जिल्ला प्रहरी कार्यालय मकवानपुरका प्रहरी प्रवक्ता जयश्वर रिमालले जानकारी दिनुभयो । उहाँका अनुसार जिल्ला प्रहरी कार्यालयमा खबर प्राप्त हुनासाथ प्रहरी र बारुणयन्त्रको टोली खटिएको थियो । स्थानीयको समेत सहयोगमा ९ बजे आगो पूर्णरुपमा नियन्त्रणमा लिइएको पनि उहाँले जानकारी दिनुभयो ।
