हेटौंडाः हेटौंडामा आज दुई छुट्टा छुट्टै ठाउँमा भएको रक्तदानमा ४२ जनाले रक्तदान गरेकाा छन् । निजामती सेवा दिवसको अवसरमा रक्त सञ्चार केन्द्रमा रक्तदान कार्यक्रम भएको हो । प्रमुख जिल्ला जिल्ला अधिकारी भरतमणी पाण्डेको सभाध्यक्षतामा भएको कार्यक्रममा २२ जनाले रक्तसञ्चार केन्द्रमै आएर रक्तदान गरेको रक्तसञ्चार केन्द्र हेटौंडाका शाखा प्रमुख टंक दाहालले जानकारी दिनुभयो ।
यस्तै आज जनकल्याण बचत तथा ऋण सहकारी संस्थाले आफ्नो २६ औँ वार्षिक उत्सवको अवसरमा रक्तदान कार्यक्रम आयोजना गरेको छ । सहकारीको वार्षिक उत्सव २४ गते भएपनि त्यस दिन हरितालिका तिज परेकाले आजै रक्तदान कार्यक्रम गरिएको सहकारीले जनाएको छ ।
सहकारीका अध्यक्ष हिमाल पौडेलको सभाध्यक्षतामा भएको कार्यक्रममा ६ नम्बर वडा अध्यक्ष अर्जुन प्रसाद चौलागाईको प्रमुख आतिथ्यता रहेको थियो । सहकारीले आयोजानामा भएको रक्तदानमा कार्यक्रममा २० जनाले रक्तदान गरेका छन् ।
