हेटौंडाः मकवानपुरमा नेपाली काङ्ग्रेसको वडा अधिवेशनको अन्तिम निर्णय आउने क्रम जारी रहेको छ । आइतबारबाट जिल्लाको १ सय २ वटै वडामा सुरु भएको वडा अधिवेशनअन्तर्गत राक्सिराङ गाउँपालिकाका सबै वडामा सर्वसम्मत रुपमा नेतृत्व चयन गरिएको छ ।
राक्सिराङको ९ वटै वडामा सर्वसम्मत रुपमा सभापति चयन गरिएको गाउँपालिका अध्यक्ष राजकुमार मल्लले जानकारी दिनुभयो । नेपाली काङ्ग्रेस राक्सिराङ गाउँपालिकाको १ नम्बर वडा सभापतिमा प्रताप चेपाङ, २ नम्बर वडा सभापतिमा सुब बहादुर घलान, ३ नम्बर मा प्रकाश ठकुरी, ४ नम्बर वडामा बिकास ब्लोन, ५ नम्बर मा सुशिल ब्लोन चयन भएका छन् ।
यसैगरी ६ नम्बर वडा सभापतिमा राजकुमार चेपाङ, ७ नम्बर मा राम बहादुर चेपाङ, ८ नम्बर वडामा नोकमान पाख्रिन र ९ नम्बर वडा सभापतिमा शिब कुमार मल्ल निर्बिरोध चयन भएका छन् । यस्तै मकवानपुरका अन्य पालिकामा पनि नतिजा सार्वजनिक हुुने क्रम चलिरहेको छ ।
