हेटौंडाः ग्रामीण महिला सेवा केन्द्रले मकवानपुरको मकवानपुरगढी गाउँपालिकाभित्रको दुई स्वास्थ्य चौकिमा स्वास्थ्य सामग्री हस्तान्तरण गरेको छ । मकवानपुरगढी २ नम्बर वडामा रहेको स्वास्थ्य चौकिमा र १ नम्बर वडाको आँपटार स्वास्थ्य चौकिलाई ऐक्जामिनेशन एक थान, गाइनो बेड एक थान, बर्थिङ सेट एक थान, विद्युतीय सक्सन मेशिन १ थान हस्तान्तरण गरेको ग्रामिण महिला सेवा केन्द्रका अध्यक्ष उर्मिला कार्कीले बताउनुभयो ।
शनिबार उहाँले स्वास्थ्य चौकि परिसरमै पुगेर स्वास्थ्य सामग्री हस्तान्तरण गर्नुभएको हो । मकवानपुरगढी २ नम्बर वडा अध्यक्ष बखान सिं पाख्रिनको प्रमुख आतिथ्यतामा भएको कार्र्यक्रममा गाउँपालिकाका स्वास्थ्य प्रमुख विदुर लामिछानेको पनि उपस्थिति रहेको थियो ।
