हेटौंडाः एमाले बागमती प्रदेशले संसदीय बोर्ड गठन गरेको छ । दलका नेता तथा बागमती प्रदेशको मुख्यमन्त्री डोरमणि पौडेलको अध्यक्षतामा १३ सदस्यीय बोर्ड गठन भएको हो ।
बोर्डको सदस्यमा प्रमुख सचेतक दीपक निरौला (पदेन), अष्टलक्ष्मी शाक्य, राजेन्द्र पाण्डे, अरुण नेपाल, बिजय सुवेदी, शशिजङ थापा, उर्मिला कर्माचार्य, शान्ती थिङ, सरस्वती बाटी, नारायण बहादुर सिलवाल, सीता लामा र प्रदीप कटुवाल छन् ।
बोर्डको पदेन सदस्यमा दलको सचेतक र उपनेता रहने व्यबस्था भएपनि हाल सचेतक र उपनेता रिक्त रहेकोले पछि थप गरिने भएको हो । १७ बैशाखमा एमाले बागमती प्रदेश संसदीय दलले संसदीय बोर्ड गठन गरेको थियो । आज दिउँसो बागमती प्रदेश सभा सचिवालयलाई एमाले बागमती प्रदेशको संसदीय दलको मुख्य सचेतकमा दिपक निरौला र १३ सदस्यीय संसदीय बोर्ड गठन भएको जानकारी गराइएको प्रदेश सभाको प्रवक्ता विनोद अमात्यले जानकारी दिनुभयो ।
