हेटौंडाः मकवानपुर जिल्लामा १०० वर्षका पुरुषसहित १७१ जनामा कोरोना भाइरस संक्रमण पुष्टि भएको छ । आइतबार दिउँसो २ बजे सार्वजनिक भएको विवरणअनुसार २६८ जनाको स्वाब नमूना परीक्षण गर्दा १७१ जनामा संक्रमण पुष्टि भएको हो ।
आइतबार सार्वजनिक भएको विवरणमा १४९ जना संक्रमित हेटौंडा उपमहानगरक्षेत्रका नागरिक छन् । यस्तै मकवानपुरगढी गाउँपालिकाका ५ जना, मनहरी गाउँपालिकाका ३ जना र मकवानपुरभन्दा बाहिर विभिन्न जिल्ला स्थायी ठेगाना भई मकवानपुरमै बस्दै आएका १४ जना छन् । संक्रमित मध्ये १८ वर्ष भन्दा कम उमेरका १८ जना छन् ।
