हेटौंडाः गजल मञ्च मकवानपुरले शनिबार हेटौंडामा १७७ औं नियमित गजलयात्रा गरेको छ । विभिन्न गजलकारहरुले गजल वाचन गरेको कार्यक्रममा मुक्तककार दीपक गौतमले गजल लेख्नेहरु सक्रिय भएकोमा खुशी व्यक्त गर्नुभयो । गौतमले गजल साहित्यको विकासका लागि भावी पुस्तालाई समेट्दै निरन्तरता दिनुपर्ने बताउनुभएको छ । साहित्यकार आरसी रिजालको प्रमुख आतिथ्यता रहेको कार्यक्रम गजलमञ्च मकवानपुरका अध्यक्ष देवराज तिवारीको सभाध्यक्षतामा भएको हो ।
कार्यक्रममा नवसर्जक साहित्य चौतारी नेपालले जेठ १ गते वार्षिक उत्सवको अवसरमा राष्ट्रस्तरीय मावि तहको कविता प्रतियोगिता आयोजना गर्ने जनकारी दिइएको छ ।मकवानपुरमा रहेका साहित्यिक संघसंस्थाले हरेक शनिबार विभिन्न कार्यक्रम गरेर सर्जकहरुलाई आफ्ना रचना प्रस्तुत गर्र्ने मौका प्रदान गरिरहेको छ ।
