हेटौंडाः मोटरसाइकल चोरी गरेको आरोपमा प्रहरीले हेटौंडा–१६ का ३५ वर्षीय रवि नगरकोटीलाई पक्राउ गरेको छ । चोरीको मोटरसाइकल चलाएर आउँदै गर्दा हेटौंडा १६ मा भएको प्रहरीको सुरक्षाजाँचमा नगरकोटी पक्राउ परेका थिए ।
नगरकोटीले आइतबार हेटौडा–२ स्थित घर अगाडी पार्किङ गरी राखेको ना ३७ प ५१५१ नम्बरको मोटरसाईकल चोरी गरेका थिए । चोरी भएको मोटरसाइकल धनीले प्रहरीमा निवेदन दिएपछि प्रहरीले अनुसन्धान अगाढि बढाएको थियो ।
प्रहरीले नगरकोटीमाथि चोरी मुद्धा दर्ता गरी थप अनुसन्धान सुरु गरेको जिल्ला प्रहरी कार्यालय मकवानपुरका प्रहरी नायब उपरीक्षक जयश्वर रिमालले बताउनुभयो ।
