हेटौंडाः छात्रामाथि अभद्र व्यवहार गरेको आरोपमा एकजना शिक्षकलाई प्रहरीले पक्राउ गरेको छ । छात्रामाथि अभद्र व्यवहार गरेको आरोपमा मकवानपुरको मकवानपुरगढी गाउँपालिका–३ स्थित भानु माविका शिक्षक किरण पाण्डेलाई पक्राउ गरिएको जिल्ला प्रहरी कार्यालय मकवानपुरले जनाएको छ ।
छात्राले जिल्ला प्रहरी कार्यालय मकवानपुरमा उजुरी दिएपछि बुधबार पक्राउ गरिएको जिल्ला प्रहरी कार्यालय मकवानपुरका प्रहरी नायव उपरीक्षक जयश्वर रिमालले जानकारी दिनुभएको छ । शिक्षक पाण्डेलाई जिल्ला प्रहरी कार्यालयमा राखी थप अनुसन्धान भइरहेको प्रहरीले जानकारी दिएको छ ।
