हेटौंडाः हेटौंडा जेसीजले आफ्नो सभाहल निर्माण र व्यवस्थित गर्न जेसीज नाइट गर्ने भएको छ । जेसीजले सभाहल निर्माणका लागि आवश्यक बजेट जुटाउने उद्देश्यले उदय–मनिला सोताङ एकल साँझ गर्न लागेको बुधबार पत्रकार सम्मेलन गरी हेटौंडा जेसीजले जानकारी दिएको हो ।
हेटौंडा जेसीजको ९ नम्बर वडामा रहेको आफ्नै जेसीज सचिवालय भवनमा सभाहल निर्माण गर्न २० लाख रुपैयाँ खर्च हुने बताइएको छ । त्यसको खर्च जुटाउन जेसीज नाइट आयोजना गर्न लागिएको पत्रकार सम्मेलनमा जानकारी दिइएको हो ।
यही चैत्र २० गते रिगल हेटौंडा रिसोर्टमा जेसीज नाइट हुनेछ । प्रतिटिकट २ हजार रुपैयाँको ६ सय टिकट बिक्री गर्ने उद्देश्य रहेको हेटौंडा जेसीजका अध्यक्ष लिसेन बस्नेतले पत्रकार सम्मेलनमा जानकारी दिनुभयो । उहाँले अन्यले पनि प्रायोजन गर्ने बताउनुभयो । जेसीज नाइट सम्पन्न गर्न ११ लाख रुपैयाँ खर्च हुने कार्यक्रम संयोजक विजय श्रेष्ठले जानकारी दिनुभयो ।
