हेटौंडाः मकवानपुर प्रहरीले लागुऔषध गाँजासहित दुईजनालाई पक्राउ गरेको छ । राक्सिराङ–५, चैनपुरस्थित खोलाको बगरक्षेत्रमा शंकास्पद रुपमा झोला बोकी हिँडिरहेका राक्सिराङ–३ बस्ने ६२ वर्षीय जित बहादुर मोक्तान र २५ वर्षीय सुपराज मोक्तानलाई १० केजी गाँजासहित पक्राउ गरेको जिल्ला प्रहरी कार्यालय मकवानपुरले जनाएको छ ।
बुधबार बिहान ४ बजेर २० मिनेटको समयमा मकवानपुरको राक्सिराङ गाउँपालिकाको चैनपुरस्थित प्रहरी चौकीबाट खटिएको प्रहरी गस्ती टोलीले उनीहरुलाई पक्राउ गरेको हो । गाँजासहित पक्राउ परेका दुबैजनालाई प्रहरीले हिरासतमा राखी आवश्यक अनुसन्धान गरिरहेको जिल्ला प्रहरी कार्यालय मकवानपुरले जनाएको छ ।
