हेटौंडाः प्रहरीले लागूऔषध गाँजासहित दुई जनालाई पक्राउ गरेको छ ।
मकवानपुरको राक्सिराङ गाउँपालिका–२, चैनपुरस्थित खोलाको बगरमा चैनपुरबाट मनहरी बजार आउँदै गरेका राक्सिराङका जित बहादुर मोक्तान र शुभराज मोक्तानलाई १० किलो लागूऔषध गाँजासहित प्रहरीले बुधबार नियन्त्रणमा लिएको हो ।
उनीहरुलाई नियन्त्रणमा लिएर थप अनुसन्धान सुरु गरिएको ईलाका प्रहरी कार्यालय मनहरीका प्रहरी निरीक्षक विनोद श्रेष्ठले जानकारी दिए ।
