हेटौंडाः मकवानपुरको बकैया गाउँपालिकाको ७ नम्बर वडामा शुक्रबारबाट वडास्तरीय फुटबल प्रतियोगिता सुरु भएको छ । वडा खेलकुद विकास समितिको आयोजनामा भएको प्रतियोगितामा १० वटा टिमको सहभागिता रहेको छ ।
उद्घाटन खेलमा शुक्रबा कान्द्राङ युवा क्लब विजयी भएको छ । निर्धारित समय गोलरहित बराबरीमा सकिएपछि टाइब्रेकरमा खेलको निर्णय लिइएको थियो । टाइब्रेकरमा कान्द्राङ युवा क्लबले संयुक्त युवा क्लबलाई ३–२ गोलअन्तरले पराजित गरेको हो । वडा खेलकुद विकास समितिका अध्यक्ष देव मुक्तानको अध्यक्षता तथा ७ नम्बर वडा अध्यक्ष रामकाजी लामिछानेको प्रमुख आतिथ्यमा प्रतियोगिताको उद्घाटन समारोह भएको थियो ।
