हेटौंडाः अनेरास्ववियु मकवानपुरले प्रजातन्त्र दिवसको अवसरमा शुक्रबार रक्तदान कार्यक्रम गरेको छ । हेटौंडाको बुद्धचोकमा भएको रक्तदान कार्यक्रममा ४३ जनाले रक्तदान गरेका छन् ।
दिनेश हुमागाई र विशाल पौडेलको संयोजनमा भएको रक्तदान कार्यक्रममा नेकपाका केन्द्रीय सदस्य महेश बर्तौला, अनेरास्ववियु जिल्ला कमिटीका संयोजक किसन घिसिङ लगायतको उपस्थिति रहेको थियो । रक्तदान कार्यक्रममा रक्तसञ्चार केन्द्र हेटौंडाको प्राविधिक सहयोग रहेको थियो ।
