मउवा संघका उपाध्यक्ष कृष्णकुमार गुप्तालाई सहयोग रकमको चेक हस्तान्तरण गर्नुहुँदै ध्रुब घिमिरे (सेतोकोट) । साथमा संघका कार्यकारी अधिकृत पवन कार्की ।

हेटौंडाः मकवानपुर उद्योग वाणिज्य संघले हेटौंडा–२ मा अतिथि सदन सञ्चालनका लागि निर्माण गरिरहेको भवनका लागि व्यवसायी ध्रुव घिमिरेले पाँच लाख रुपैयाँ सहयोग गर्नुभएको छ । प्रदेश सरकार, स्थानीय सरकार, विभिन्न संघ, संस्था, व्यवसायीसमेतको सहयोगमा संघको आफ्नै कोषसमेतको उपयोग गरी भवन निर्माण गरिरहेको छ ।

मकवानपुर घरजग्गा व्यवसायी संघका अध्यक्ष ध्रुव घिमिरेले संघको भवन निर्माण सहयोगार्थ बुधबार ५ लाख रुपैयाँ सहयोग गर्नुभएको हो । घिमिरेले संघका उपाध्यक्ष कृष्णकुमार गुप्तालाई सहयोग रकमको चेक हस्तान्तरण गर्नुभएको छ । व्यवसायीको छाता संस्थाको विकासमा सहयोग गरेको घिमिरेको भनाइ छ । हिजोका दिनमा जीविकाकै लागि कमाउनुपर्ने अवस्था भए पनि अहिले कमाई गरेर खानलाउने कुरा सामान्य भइसकेको र आम्दानीको निश्चित रकम सामाजिक सेवाको क्षेत्रमा पनि लगाउनुपर्ने सोचाईका साथ संघलाई सहयोग गरेको बताउनुभयो ।