हेटौंडाः हेटौंडा–८ मा शनिबार बिहान एक पुरुषको शव भेटिएको छ । हेटौंडा–८ स्थित सनउड कोलनी क्षेत्रको सडक छेउमै पुरुषको शव भेटिएको जिल्ला प्रहरी कार्यालय मकवानपुरले जनाएको छ । मृतकको सनाखत हुन सकेको छैन ।
वडा प्रहरी कार्यालयका प्रहरी निरीक्षक कृष्णप्रसाद बिष्टसहितको प्रहरी टोलीले शवको मुचुल्का उठाएको छ । मर्निङ वाक गर्ने मानिसले शव देखेपछि प्रहरीलाई खबर गरेको बताइएको छ । शवको शनाखत हुन नसकेको जनाइएको छ । शवको पोष्टमार्टमका लागि हेटौंडा अस्पताल ल्याइएको छ ।
