हेटौंडाः मकवानपुर जिल्लामा बिहीबार थप १७ जनामा कोरोना भाइरस संक्रमण पुष्टि भएको छ । हेटौंडा उपमहानगरपालिकाको आयुर्वेद तथा जनस्वास्थ्य प्रवद्र्धन शाखाले बिहीबार साँझ थप १७ जनामा कोरोना भाइरस संक्रमण पुष्टि भएको जनाएको छ । यसअघि बिहीबार बिहान मकवानपुर जिल्लामा १२ जनामा कोरोना भाइरस संक्रमण पुष्टि भएको थियो । यससँगै बिहीबार एकैदिन कोरोना संक्रमित हुनेको संख्या २९ पुगेको छ ।
बिहीबार साँझ कोराना भाइरस संक्रमण पुष्टि हुनेमा हेटौंडा उपमहानगरपालिकाका १२ जना, थाहा नगरपालिकाका २ जना, भीमफेदी गाउँपालिकाका एकजना, मनहरी गाउँपालिकाका एकजना र सर्लाही जिल्ला स्थायी ठेगाना भई मकवानपुर जिल्ला बस्दै आएका एकजनामा कोरोना भाइरस संक्रमण पुष्टि भएको हो । यसअघि बिहीबार बिहान कोरोना भाइरस संक्रमण पुष्टि हुनेमा हेटौंडा उपमहानगरपालिकाका ११ जना र बारा जिल्लाको कोहल्वी स्थायी ठेगाना भई हाल मकवानपुर जिल्लामै बस्दै आएका एकजना थिए ।
