हेटौंडाः हेटौंडा–१४ मा जारी टोलस्तरीय फुटबल प्रतियोगताको सेमीफाइनल समीकरण पूरा भएको छ । भोलि शनिबार सेमीफाइनल हुने आयोजकले जानकारी दिएको छ । यसअघि शनिबार फाइनल खेल हुने बताइए पनि फाइनल खेल आइतबार हुने भएको छ ।
शनिबार हुने पहिलो सेमीफाइनल खेलमा पञ्च बुद्ध ‘बी’ र समृद्धि ‘ए’ बीच प्रतिस्पर्धा हुने छ भने दोस्रो सेमीफाइनल खेलमा समृद्धि ‘बी’ र चुरियामाई टोल भिड्ने भएको आयोजकले जनाएको छ । बिहिबार बिहान भएको पहिलो खेलमा गौरी टोल विकास संस्थालाई समृद्धि टोल विकास संस्था ‘ए’ ले ३–० गोलअन्तरले पराजित गर्दै सेमीफाइलन प्रवेश गरेको हो । यस्तै अर्को खेलमा पञ्चबुद्ध ‘ए’ ले पञ्चबुद्ध ‘बी’ लाई ४–० गोलअन्तरले पराजित गर्दै सेमीफाइनल प्रवेश गरेको हो । यस्तै चुरियामाईले १–० गोलअन्तरले लक्ष्मी टोल विकास संस्थालाई हराउँदै सेमीफाइनल प्रवेश गरेको छ ।
बिहीबार भएको अन्तिम खेलमा समृद्धि ‘बी’ र कालिदेवी टोल विकास संस्थाले गोलरहित बराबरी खेल्दै अंक बाँडेका छन् । प्रतियोगिताको बिजेता ले १५ किलोको खसी र उपबिजेताले दुई वटा लोकल भालेँ, सिल्ड, मेडल र प्रमाणपत्र प्राप्त गर्ने आयोजक पञ्चबुद्ध टोल विकास संस्थाका अध्यक्ष श्यामकुमार भ्लोनले जानकारी दिनुभयो ।
