हेटौंडाः हेटौंडामा आज शुक्रबार रक्तदान कार्यक्रम भएको छ । विजयादशमीको अवसरमा मकवानपुर क्योकुशिन कराते सङ्घले रक्तदान कार्यक्रमको आयोजना गरेको हो । हेटौंडा–४, हुप्रचौरस्थित जिल्ला खेलकुद विकास समिति मकवानपुरको कार्यालय परिसरमा रक्तदान कार्यक्रम भएको हो ।
कार्यक्रममा ३४ जनाले रक्तदान गरेको रक्तदान सञ्चार केन्द्र हेटौंडाका प्रमुख टङ्क दहालले जानकारी दिनुभएको छ । मकवानपुर क्योकुशिन कराते सङ्घका अध्यक्ष बुद्धिनाथ न्यौपानेको सभाध्यक्षतामा भएको कार्यक्रममा जिल्ला खेलकुद विकास समिति मकवानपुरका अध्यक्ष सानु लामाको प्रमुख आतिथ्य रहेको थियो ।
