हेटौंडाः हेटौंडा–५, पिप्लेमा निर्माणाधीन बहुउपयोगी कभर्ड हल बर्जर पेन्ट्सका रंगले रंगिने भएको छ । हेटौंडा औद्योगिक क्षेत्रमा रहेको उद्योगमा कार्यरत पिप्लेकै दुई युवाले उद्योगबाट एकलाख रुपैयाँ बराबरको रंग उपलब्ध गराउने भएको पिप्ले युवा क्लबका अध्यक्ष सुशील घिमिरेले जानकारी दिनुभएको छ ।
हेटौंडा–५, पिप्ले निवासी बर्जर पेन्ट्सका स्टोर शाखाका खड्गप्रसाद चौलागागई र मार्केटिङ सुपरभाइजर प्रकाश बस्नेतको पहलमा एकलाख रुपैयाँ बराबरको रंग प्राप्त हुने भएको हो । विभिन्न व्यक्ति तथा संघ, संस्थाको सहयोगमा बहुउपयोगी कभर्ड हल निर्माणको कार्य अन्तिम चरणमा पुगेको छ ।
