हेटौंडाः हेटौंडा–५, पिप्लेमा निर्माणाधीन बहुउपयोगी कभर्डहल निर्माणका लागि २० हजार एक सय ५५ रुपैयाँ सहयोग प्राप्त भएको छ ।
हेटौंडा–५, बालज्योति स्कूलरोड निवासी उत्सवराज गौतम र प्रदीप दुलालले १० हजार पाँच रुपैयाँ, हेटौंडा–५, पिप्लेकै तुलाराम अधिकारीले सात हजार पाँच सय रुपैयाँ बराबरको १० बोरा सिमेन्ट र पिप्लेकै रिता उपाध्यायले जन्मदिनको अवसरमा दुई हजार छ सय ५० रुपैयाँ सहयोग गर्नुभएको छ ।
हरेक दिनजसो प्राप्त हुने यस्तै सहयोगबाट कभर्डहलको निर्माण कार्य अन्तिम चरणमा पुगेको पिप्ले युवा क्लबका अध्यक्ष सुशील घिमिरेले बताउनुभएको छ । पिप्ले युवा क्लबको अग्रसरतामा बहुउपयोगी कभर्डहल निर्माण भएको हो ।
