हेटौँडाः विद्यालयले आगामि माघमा मनाउने स्वर्ण महोत्सवका लागि १७ लाख सहयोग प्राप्त भएको छ । आगामी माघ ६ गतेदेखि ९ गतेसम्म विविध कार्यक्रम आयोजना गरी स्वर्ण महोत्सव (५० औँ वार्षिक उत्सव) मनाउने तय भएको विद्यालयका प्रधानाध्यापक किशोर पराजुलीले जानकारी दिनुभयो ।
स्वर्ण जयन्ती समारोहलाई सफल बनाउन विद्यालयका पूर्वविद्यार्थी, अभिभावक तथा शुभचिन्तकहरूले विद्यालयलाई १७ लाख रुपैयाँ आर्थिक सहयोग प्रदान गरेका छन् । विद्यालयका प्रधानाध्यापक किशोर पराजुलीका अनुसार विद्यालयले स्वर्ण महोत्सवको अवसर पारेर स्मारिका प्रकाशन, स्र्वण स्तम्भ निमार्ण, विद्यालयको सस्थापका प्रअ स्व राधा देवी साहको प्रतिमा निमार्ण गर्नेछ । हालसम्म ११० जनाले सहयोग गर्नुभएको छ भने आउनेक्रम जारि रहेको प्रअको भनाई छ ।
स्वर्ण महोत्सव विद्यालयले पुस २६ र २७ गते जिल्लास्तरीय महिला शिक्षक भलिबल प्रतियोगिता आयोजना गर्दैछ । प्रतियोगितामा प्रथम, द्वितीय र तृतीय हुने टोलीले क्रमशः १५ हजार, १० हजार र ५ हजार नगदसहित शिल्ड, मेडल र प्रमाणपत्र प्राप्त गर्नेछन् । यसैगरी विधागत उत्कृष्ट खेलाडीका लागि पनि पुरस्कारको व्यवस्था गरिएको छ ।
यस्तै, माघ २ गते जिल्लास्तरीय शिक्षक सम्मेलन पनि हुनेछ भने ७ गते साहित्यिक सम्मेलन हुनेछ । महोत्सवको उद्धघाटन माघ ६ गते हुनेछ भने समापन ९ गते हुने प्रधानाध्यापक पराजुलीले जानकारी दिनुभयो । महोत्सव करिब २० लाख खर्च हुने अनुमान गरिएको उहाँले बताउनुभयो । विद्यालयलाई महोत्सवको पश्चात जम्मा भएको सहयोग रकम छात्र वृद्धि कोषमा जम्मा गरिने उहाँले जानकारी दिनुभयो । कोषको रकमबाट आएको ब्याजले गरिब, विपन्न, अभिभावक विहिन विद्यार्थीहरुलाई छात्रवृद्धि प्रदान गर्ने उहाले जानकारी दिनुभयो । उहाँका अनुसार हाल विद्यालयमा करिब एक जना यस्ता विद्यार्थीहरु अध्ययनरत रहेका छन् । विद्यालयलाई आगामि दिनमा टोल, विभिन्न संघसस्था, वडा लगाएतका स्थानबाट सहयोग प्राप्त हुने प्रअ पराजुलीले बताउनुभयो ।
