हेटौँडा ः मकवानपुरको मनहरी गाउँपालिकामा रुखबाट लडेर एक जना पुरुष घाइते भएका छन् । मंगलबार साँझ ५ बजेको समयमा मनहरी गाउँपालिका–८, देवकोटमा रुखबाट लडेर ३६ वर्षीय चन्द्र बहादुर मोक्तान घाइते भएका छन् ।
मोक्तान आफ्नै घर नजिकै रहेको बारीमा घाँस काट्ने क्रममा रुखबाट लडेर घाईते भएका हुन् । घाइते मोक्तानलाई उपचारका लागि चितवन जिल्लाको भरतपुर अस्पताल लगिएको बागमती प्रदेश प्रहरी कार्यालय हेटौँडाले जानकारी दिएको छ ।
